Евра: Друго ќе беше ако Жиру се викаше Жирудињо

Поранешниот француски репрезентативец, Патрис Евра го пофали неговиот сонародник од Челзи, Оливие Жиру.

Жиру во последно време игра одличен фудбал и влезе во супер голгетерска форма. Французинот посебно блесна против Севиља кога ги постигна сите четири гола за Челзи во победата од 4:0. Во тој дуел Жиру стана најстариот играч кој постигнал хет-трик во најелитното европско натпреварување. Голгетерската форма ја задржа и за викендот во кој стралаше против Лидс, натпревар кој Челзи го доби со 3:1.

Кога ќе се видат поседните четири натпревари, Жиру постигна шест гола. Важно е да се каже и дека сезонава ниту еднаш не играше 90 минути, на два пати Лампард му даде само по пет минути, против Тотенхем играше 12, против Барнли 14, а на седум меча беше на клупата.

„Проблемот на Жиру е неговото име. Ако се викаше Жирудињо тогаш ќе беше друго и повеќе ќе го ценеа. Не разбирам зошто Лампард не го игра повеќе, за мене тој е најдобриот напаѓач на Челзи.  Најмногу кај него ми се допаѓа што се бори со предизвиците, не потклекнува и не се откажува. Кога јас би бил тренер, Жиру кај мене постојано би играл“, изјави Евра.