Дориан Бабунски се повреди и го чека пауза од терените

Македонскиот фудбалер, Дориан Бабунски објави дека одреден период ќе биде надвор од терените.

Сезонава Бабунски настапи на два официјални натпревари во дресот на швајцарски Грасхоперс, меѓутоа не беше во составот за вчерашниот пријателски натпревар против Баерн Минхен.

Како што самиот потврди причината за неговото отсуство била повреда.

„Заработив повреда поради која ќе бидам надвор од терените одреден период. Уште еден предизвик во мојот живот, ќе се вратам посилен“, објави Бабунски.