Дончиќ се врати Далас победи, Никси подобри од Лејкерси 🎥

Иако се најавуваше дека ја обновил повредата сепак, Лука Дончиќ се врати во тимот на Далас, а така и Маверикси победија.

Далас славеше против Клиперси на гостински терен со 104:112 после едно продолжение. Можеше Далас да го реши натпреварот и во регуларниот дел сепак прокоцкаа предност во финишот, па мечот отиде во продолжение. Најефикасен во натпреварот беше Џексон од Клиперси со 31 поен, Порзингис постигна еден помалку, додека Дончиќ дојде до бројката од 26 поени.

Њујорк Никси успеаа да слават против Лејкерси со 106:100. Вестбрук постигна 31 поен, Фурние во редовите на Никси стигна до 26. Ќе потсетиме Лејкерси во овој натпревар беа без Леброн кој ја одработуваше суспензијата од еден натпревар.

НБА РЕЗУЛТАТИ: Детроит – Мајами 92:100; Њујорк – Л.А.Лејкерс 106:100; Портланд – Денвер 119:100; Л.А.Клиперс – Далас 104:112 (пп)