Добри вести за Мурињо – се враќа капитенот

Првиот голман и капитен на Тотенхем, Уго Лорис после цели три месеци денес повторно ги обнови тренинзите, информираа од клубот.

Французинот се здоби со дислогација на лактот за време на мечот против Брајтон на почетокот на октомври.

Лорис пропушти 20 меча за својот тим во сите натпреварувања, но наскоро ќе биде спремен да застане меѓу стативите.

Во отсусво на Лорис голот на Тотенхем го чуваше Паоло Касанига, кој добро ја искористи шансата. Ова е добра вест за Мурињо, кој наскоро ќе може да смета и на Танги Ндомбеле.

Подолга рехабилитација ги очекува Муса Сисоко и Хари Кејн.