Покетино го сака Лорис, Тотенхем најде замена

Новиот тренер на ПСЖ, Маурисио Покетино сака во Париз да го донесе францускиот репрезентативен голман, Уго Лорис.

Англиските медиуми пренесуваат дека Покетино сака по секоја цена да го донесе 34-годишниот голман во ПСЖ на лето.

Лорис на лето ќе влезе во последната година од договорот и нема најави за негово продолжување.

Покетино одлично го познава Французинот и сака да ја искористи таквата ситуација и бил во постојан контакт со Лорис.

Во Тотенхем се спремни да го пуштат својот капитен Хуго Лорис и на лето ќе се обидат да доведат негова замена.

Прва мета е Дин Хендерсон, резервниот голман на Манчестер Јунајтед.