Леганес вчера одигра храбро против Барселона, но сепак на крајот „фенерџијата“ претрпе пораз на „Камп Ноу“ од 0:2.
Играчите на Леганес имаа три големи шанси да постигнат гол, но не ги реализираа. Две од тие три беа во првото полувреме. Подоцна Фати го отвори резултатот, а на 20-тина минути до крајот беше Барселона доби дискутабилен пенал.
Како започна приказната со Goblin Games - од гаража до бренд! ↓↓↓
Меси падна во казнетиот простор, а судијата покажа на белата точка. Во Леганес сметаат дека во таа ситуација биле оштетени.
„Ова не беше пенал. Стануваше збор за нормална акција, ако беше на спротивната страна ние сигурно немаше да добиеме пенал“, изјави помошникот на тренерот Агире, Тони Амор.
Играчот за врска на Леганес, Роке Меса има слично мислење.
„Ја видов снимката, немаше пенал. Секој кој малку знае фудбал, знае и дека тоа не беше пенал. Не мора да си судија тоа да го сфатиш. Таа ситуација беше клучна затоа што при 0:1 работите можеа да бидат поинакви“, изјави Меса.
Учество во игри на среќа е дозволено за лица со 18+ години. Играј одговорно!