Суперлигата повторно е актуелна во европскиот фудбал откако Судот за правда во Луксембург пресуди во корист на иницијаторите за создавање на ова натпреварување и УЕФА и ФИФА повеќе немаат законски можности да ги казнуваат клубовите.
Но, покрај тоа голем дел европските гиганти веднаш објавија соопштенија во кои порачуваат дека таа одлука не го менува нивниот став и остануваат верни на УЕФА.
Диск голф го освојува светот, а го нема во Македонија!? ↓↓↓
Сепак, директорот на Суперлигата Бернард Рајхарт истакна дека клубовите јавно ја поддржуваат УЕФА само поради притисокот кој им се врши.
„Разговарав со многу клубови кои објавија јавни соопштенија. Некои од нив денеска се јавија и ми кажаа „велиме не, но тука сме“. Денеска нема да ги убедуваме, УЕФА врши притисок. Не сакаме да градиме ѕидови, наша цел е да обединуваме. Започнува нова ера на дијалог и во одреден момент ќе ги објавиме клубовите кои ќе ја сочинуваат Суперлигата. Никого нема да присилуваме.
Најдобриот фудбал на навивачите ширум светот ќе им го понудиме бесплатно и ќе има можност за рефинасирање во главно со рекламирање. Ние сме во сотојба да добиеме три милијарди годишно од рекламирање. Саудиските пари не се зад проектот, разговаравме со инвеститори од Европа и САД“, изјави Рајхарт.
Останува времето да покаже во наредниот период кој е во право, едно е сигурно законски пречки да се формира Суперлигата сега нема.
Учество во игри на среќа е дозволено за лица со 18+ години. Играј одговорно!