Димитров во неверојатен натпревар го победи Федерер за полуфинале на УС Опен

Роџер Федерер го заврши настапот на овогодинешниот турнир УС Опен.

Во четвртфиналето на последниот Гренд Слем оваа сезона легендарниот Швајцарец загуби од бугарскиот тенисер Григор Димитров со 3:2, по сетови (3:6, 6:4, 3:6, 6:4, и 6:2).

Димитров два пати губеше во сетови. Меѓутоа, проблемите со грбот кои ги имаше Федерер на крајот му го отворија патот кон победата и на крајот бугарскиот тенисер се пласираше во полуфиналето.

Во одлучувачкиот сет Федерер зеде медицински тајм-аут, па потоа беше надвор од теренот подолго време и се чинеше дека не може да издржи уште многу.

Димитров тоа го искористи. Дојде до предност од 4:0 и потоа лесно го заврши мечот за пласман во полуфинале, каде ќе се сретне со Медведев.

Димитров стана најслабо рангираниот полуфиналист на УС Опен уште од Џими Конорс. Бугарскиот тенисер пред турнирот беше 78. на светот, а Конорс во далечната 1991. година беше на 174. место.