Димитриевски во тимот на колото во топ пет првенства 📸

Македонскиот голман Столе Димитриевски кој остана несовладан во натпреварот против Барселона во кој Рајо Ваљекано ремизираше 0:0 се најде во тимот на колото во Европа.

Димитриевски собра пет одбрани и за него ова беше трет натпревар по ред да остане непоразен на „Камп Ноу“. Македонската единица доби место во идеалниот тим од петте најсилни првенства.

Сосема очекувано од „Мундо Депортиво“ Димитриевски беше избран и во тимот на колото во Ла Лига.