Де Јонг: Дојдов во најголемиот клуб во светот

Холанѓанецот Лук Де Јонг денес ја имаше својата официјална промоција во дресот на Барселона.

Де Јонг во последниот ден од преодниот рок пристигна во Барселона како замена за Антоан Гризман кој се врати во Атлетико.

„Мислам дека се вклопувам во тимот. Веќе докажав дека имам квалитет да играм на највисоко ниво. Во одлични односи сум со Мемфис, го познавам и од ПСВ каде што игравме добро заедно. Се разбираме, се надевам ќе продолжиме добро и тука. Се познавам и со Френки“.

„Ова е мојот најголем чекор во кариерата, дојдов во најголемиот клуб во светот, си го остварив сонот“, изјави Де Јонг.