Дејан Станковиќ доби голема улога во тв-серија!

Поранешниот фудбалер на Интер, Дејан Станковиќ доби улога во новата хумористична серија „Дрим-тим“ ,која е во режија на Дејан Зечевиќ.

Снимањето на серијата е планирано на стадионот „Трудбеник“, а Станковиќ пред неколку вечери своите сцени ги снимаше во друштво на пријателите Ненад Милијаш и Лазар Ристовски.

„Првпат сум пред камерите во ваков проект. Кога вас ќе ве повика легенда како што е Лазар Ристовски, не може да го одбиете. Ова за мене е големо задоволство. Знам што треба да играм. Мислам дека е убаво да се раскаже една ваква приказна. Имав можност да запознаам еден од браќата Олавериќ и мислам дека ми судеше кога бев кадет. Само јас можам да го глумам Дејан Станковиќ. Се шегувам, секако дека би дозволил и некој друг да го глуми“, вели Станковиќ.