Дерби на денот: „Топџиите“на испит во Милано

Денес продолжуваат натпреварите од Лигата на шампиони, а дербито се игра во Милано помеѓу Интер и Арсенал.

Интер одличен оваа сезона во ЛШ

Интер е актуелен шампион на Италија и оваа сезона ја почнува како најголем фаворит за титулата, но ќе има тешка задача да ја одбрани. Конкуренцијата многу се засили и се чини дека Интер нема лесно да доминира оваа сезона. Во Лигата на шампиони игра одлично и започна со реми на гостувањето кај Сити. Потоа следуваа две победи, но за волја на вистината со многу послаби противници. Ова е голем тест за Интер, кој е благ фаворит само поради домашниот терен. Инзаги го задржа костурот на тимот, па иако не донесе големи засилувања Интер и оваа сезона оди на висок пласман во Лигата на шампиони.

Арсенал со благ пад на формата

Арсенал ова лето значително го засили тимот и секако сезоната ја започна со највисоки амбиции. Сон за сите во клубот секако е титулата во Премиер лигата, но и во Лигата на шампиони имаат високи амбиции. Во првиот меч против Аталанта одиграа реми, иако беа фаворити. Потоа следуваа две победи на домашен терен од кои едната против ПСЖ. Во последно време не играат добро во Премиер лигата, но Арсенал игра одлично во дерби натпреварите и поради тоа сигурно не смее да се отпише на ова госување. Добра вест за Артета што наскоро во тимот се враќа Одегард, кој е еден од најважните фудбалери во тимот.

Очекување

Очекуваме неизвесен дерби дуел кој ќе го одлучуваат мали детали, но ова се тимови со одлични напади, па веруваме дека ќе има голови на двете страни.