Дерби на денот: Може ли Ливерпул да ги смири „чавките“?

Овој меч е дерби на 3-то коло во Премиер лигата и дуел на два тима кои ќе се борат за највисок пласман. Њукасл оваа сезона е уште посилен, додека Ливерпул направи големи промени и целта е што побрзо да се врати на врвот.

Њукасл оваа сезона уште посилен

Њукасл ова лето донесе уште неколку нови засилувања и додатно го засили тимот, а во првите две кола се виде тимот е значително посилен од минатата сезона. После долги години Њукасл ќе игра во Лигата на шампиони, а скоро и да не се памети од кога не бил во позиција да биде фаворит против Ливерпул. „Чавките“ покажаа како добро се вложуваат пари со концепт, па сегаа изгледаат како вистински тим, а не збир од ѕвезди. Сезоната ја отворија со висока победа, а потоа следуваше пораз од шампионот. Њукасл побрзо од очекувањата ги остварува целите и сега е благ фаворит против Ливерпул и ќе направи се за да ги освои трите бода, а истовремено да го земе „скалпот“ на гигантот.

Ливерпул изгледа добро оваа сезона

Ливерпул сака што побрзо да ја заборави минатата сезона каде не само што не освои титула, туку не избори пласман во Лигата на шампиони. Поради тоа Клоп нема право на кикс оваа сезона и едноставно мора да заврши во Топ 4. Дведени се неколку големи засилувања, пред се Мекалистер и Собоцлај, а во тимот се вратија Луис Дијаз и Жота, кои минатата сезона подолго време беа повредени. „Црвените“ на стартот од сезоната изгледаат добро, против Челзи одиграа реми, а потпа запишаа победа. Добра вест за Клоп е што суспензијата на Мекалистер е поништена, па ќе може да смета на него, а единствен отсутен ќе биде Алкантара кој е повреден.

Очекување

Дерби натпреварите во Премиер лигата се секогаш непредвидливи и израмнети, па очекуваме така да биде и овој пат. Двата тима имаат одлични напади, па веруваме дека ќе има голови на двете страни.