„Да завршев на четвртото место со Челзи, Абрамович ќе ме испратеше во Сибир!“

Израелскиот стручњак Аврам Грант е свесен дека критериумите во Челси се намалија, па 4-то место и пласманот во ЛШ се смета како успех.

Поранешниот тренер на Челзи се сеќава дека некогаш се беше поинаку и дека четвртото место не е доволно за да ја направи сезоната успешна.

„Сезоната е добра, може да се каже дека пласманот е прифатлив, но тоа не е успех. Ако би рекол дека четвртото место за Челзи е успех во Премиер лигата, Абрамович сигурно ќе ме испратеше во Сибир!”, изјави Грант.

Грант беше менаџер на Челзи во сезоната 2007/08, кога „сините“ завршија на второто место во Премиер лигата, а тој играше и во финалето на Лигата на шампионите, кое го загуби од Манчестер Јунајтед на пенали во Москва.