Дани Алвеш потврди: Заминувам од ПСЖ!

Искусниот брзилски репрезентативец Дани Алвеш јавно потврди дека го напушта тимот на Пари Сент Жермен.

36-годишниот Бразилец кој од 2017 година е дел од ПСЖ на својот Инстаграм профил потврди дека го напушта францускиот клуб.

„Заокружувам уште еден циклус во мојот живот. Би сакал да му се заблагодарам на ПСЖ за можноста да учествувам во пишување нова страница во историјата на клубот. Благодарение на сите соиграчи имавме моменти на заедничка радост, но и во тагата бевме заедно“, напиша Дани Алвеш.

Минатата сезона Алвеш одигра 32 натпревара за францускиот тим, постигна три гола и забележа осум асистенции.

Бразилецот два пати беше шампион на Франција, по еднаш ги освои Купот на Франција и Лига купот.