Гундоган го напушта Манчестер Сити

Илкај Гундоган ќе го напушти Манчестер Сити на крајот од сезоната, пренесуваат англиските медиуми.

Договорот на фудбалерот на „граѓаните“ му истекува следната година, но клубот нема намера да го задржи и наводно веќе му било соопштено дека ова лето може да си бара нов клуб. Засега не е познато каде Гундоган би можел да продолжи, се шпекулира за можно враќање во Бундеслигата.

Во редовите на Манчестер Сити Гундоган пристигна во 2016 година од Борусија Дортмунд, а трансферот изнесуваше 27 милиони евра.

Германскиот фудбалер со турско потекло оваа сезона одигра 42 натпревари на кои постигна осум голови и подели шест асистенции.