Гризман се налути: Зошто за тоа никогаш не ги прашувате Меси и Роналдо?

Напаѓачот на Атлетико Мадрид, Антоан Гризман прилично бурно реагираше на гласините дека ќе го напушти клубот.

Имено, веќе подолго време Гризман се поврзува со трансфер во Манчестер Јунајтед, а очигледно Французинот тоа многу го лути.

„Среќен сум во Атлетико, горд сум што играм за овој тим, навивачи и за овој тренер. Немојте повеќе да ме прашувате за мојата иднина. Играчи како Меси и Роналдо никој не ги прашува каде ќе бидат следната година и за кој клуб ќе играат“, истакна Гризман и додаде.

„Не сакам кога ме прашувате за тоа, среќен сум во Атлетико, не ме прашувајте повеќе за мојата иднина“, јасен беше Французинот.