Гризман објаснува зошто ја одбил Барселона, влијаел и – Меси!

Францускиот напаѓач, Антоан Гризман во текот на летото беше на големо поврзуван со трансфер во Барселона и целата зделка беше блиску до реализација, сепак на крајот остана во Атлетико.

Сагата траеше навистина долго време, за Гризман пред почетокот на Мундијалот да донесе одлука и да потврди дека останува во таборот на „јорганџиите“.

Гризман сега за „Канал Плус“ откри и ја објасни својата одлука да остане во Атлетико.

„Дали беше тешко да се одбие Барселона? Секако, многу тешко. Пред вас е Барселона за која знаете дека ве сака, но од друга страна е клубот каде што сте важен играч и каде што се гради проект околу тебе. Одлучувачкиот фактор? Ситуацијата кога ги видов соиграчите, посебно тренерот после натпреварот во кој добив свирежи. Тој дојде во мојот дом и се обидуваше да ме смири и да ми порача дека секогаш ќе ја имам неговата поддршка“.

„Веројатно влијаеше и тоа што требаше да бидам некој кој ќе му помага на Меси. Сите во клубот направија се за да се чуствувам дека мојот дом е тука. Беше тоа навистина тешка одлука, тоа најдобро го знае и мојата сопруга со која на таа тема разговарав и во три часот наутро“, откри Гризман.