Гризман и Артур за излегување на Барса од кризата

Барселона во рамките на 6. коло од Ла Лига го пречека Виљареал и славеше со 2:1.

После поразот од Гранада и ремито со Борусија, многумина прогласија криза на Камп Ноу, но вечерва Лео Меси и друштво покажаа дека и натаму се главни фаворити за титулата.

Виљареал прикажа одлична игра, но победата е најважна, а таа е остварена благодарение на погодоците на Гризман и Артур.

Гризман по асистенција на Меси во шестата минута погоди за 1:0, а во 15. минута Артур постигна еврогол за 1:1.

До крајот на првиот дел беше виден уште еден еврогол, можеби и подобар од тој на Артур, а стрелец беше Санти Казорла за Виљареал.

До крајот на натпреварот резултатот остана непроменет, а Барса прослави нова победа и се врати во самиот врв на табелата.

Барса сега со 10 бода се наоѓа на четвртата позиција, а по 11 бода имаат Гранада, Атлетик и Реал. Последно споменатите две екипи имаат натпревар помалку.