Францускиот напаѓач Антоан Гризман изјави дека би сакал да освојува трофеи заедно со соиграчот од репрезентацијата, Пол Погба.
За време на репрезентативната пауза Погба изјави дека би сакал почесто да има прилика да игра со Гризман, а ѕвездата на Атлетико веднаш одговори.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Би било прекрасно да бидеме во ист тим и да освојуваме трофеи. Но, бидете внимателно! Тоа не значи дека сакам да играм за Манчестер Јунајтед“, јасен беше Гризман.
Минатата сезона постоеше сериозна шанса Гризман да стане „црвен ѓавол“, тој и сам го призна, но на крајот се одлучи да остане во Атлетико Мадрид.
Сепак, се чини дека 27-годишниот Французин ова лето ќе се пресели во Барселона, па тешко дека во блиска иднина ќе игра заедно со Погба.