Грешка на векот: Црвена Звезда одбила да го донесе Левандовски за 1.000 евра месечно!

Роберт Левандовски во моментов е еден од најдобрите напаѓачи во Европа, а оваа сезона особено блеска во дресот на Баерн Минхен.

Полскиот голгетер синоќа ја „потопи“ Црвена Звезда со четири гола, а денес медиумите откриваат дека српскиот клуб во минатото имал шанса да го донесе Левандовски во своите редови.

Српските медиуми пишуваат дека Левандовски можел пред 10 години да се пресели во Црвена Звезда. Тогаш го препорачал Мирко Поледица, кој играше заедно со Лева во Легија, а наводно Левандовски бил подготвен да игра за 1.000 евра месечно.

Меѓутоа, српскиот клуб го одбил тоа затоа што сметале дека фудбалер од клупата на Легија не бил доволно добар за нив.

Левандовски наскоро после тоа почна да блеска во дресот на Легија и направи трансфер во Борусија Дортмунд, а останатото е историја.