Готово: Суарез во Атлетико, Мората во Јувентус

Раководството на Барселона и Луис Суарез конечно постигнаа договор за раскинување на соработката, пренесуваат шпанските медиуми.

Уругваецот се согласил да се откаже од еден дел од платата и како отштета ќе добие 7 милиони евра од каталонскиот клуб.

Со тоа Суарез станува слободен агент и слободно ќе може да потпише со Атлетико Мадрид, со кого веќе постигна договор. Неговиот трансфер на „Ванда Метрополитано“ се очекува да биде официјализиран во следните денови.

Тоа значи дека Атлетико ќе го ослободи Алваро Мората и веќе ја прифати понудата на Јувентус, кој утрово понуди 10 милиони евра за едногодишна позајмица и 45 милиони евра за откуп следното лето.

Двата трансфери се поврзани еден со друг, а медиумите тврдат дека се е договорено и Мората утре треба да пристигне на лекарски прегледи во Торино.

Álvaro Morata to Juventus, here we go! He’ll be tomorrow in Turin to have medicals and sign his contract. Total agreement reached with Atléti [signing Suarez as replacement] after Dzeko deal stalling by 2 days because of Milik>Roma issues. Morata is coming ? @DiMarzio @SkySport

— Fabrizio Romano (@FabrizioRomano) September 21, 2020