Готово: Реал и Манчестер Јунајтед се договорија за Варан

Шпанските медиуми пренесуваат дека Реал Мадрид и Манчестер Јунајтед постигнале договор за трансфер на Рафаел Варан.

Раководството на Реал Мадрид веќе се помирило со фактот дека ќе се раздели со дефанзивецот, откако Варан одби да го продолжи договорот.

„Кралевите“ сакаа да ја избегнат ситуацијата како со Рамос и да го загубат дефанзивецот без обештетување, па беа спремни да слушнат понуди.

Манчестер Јунајтед од поодамна покажуваше интерес за Варан, а и самиот фудбалер преферираше трансфер на „Олд Трафорд“.

„Ел Чирингуито“ пренесува дека двата клуба постигнале договор, сумата не е позната, но сигурно трансферот ќе биде поголем од 50 милиони евра.