Големи зборови од Бруно Фернандеш за Стефан Ристовски ?

Вчерашниот пријателски натпревар помеѓу Спортинг и Белененсеш беше важен за нашиот Стефан Ристовски затоа што на раката ја носеше капитенската лента.

Капитенот на Спортинг, Себастијан Коатес не беше во тимот па капитен беше Ристовски. Ова потврдува дека Ристовски ќе биде еден од капитените во Спортинг за новата сезона.

Бруно Фернандеш кој од Спортинг направи трансфер во Манчестер Јунајтед во зимскиот преоден рок по ова испрати големи зборови до Ристовски.

„Знам дека си горд затоа што стана капитен на клубот кој го сакаше толку многу. Не сум видел некој странец да биде толку посветен на нашата земја и клубот. Ти го заслужи ова и уште повеќе“, гласи пораката на Фернандеш.