„Големите клубови живеат во облаци, после ова ништо нема да биде исто“

Италијанскиот министер за спорт даде изјава која може да се сфати како најава дека во Италија уште долго време нема да се игра фудбал.

Винченцо Спадафора најавува продолжување на суспензијата која сега е на сила до 3. мај. Тоа би значело дека првенството од кое останаа 12 кола скоро сигурно ќе заврши пред крајот на јуни.

„Фудбалот нема да започне ни на 3. мај. Управата на Серија А веќе погреши со проценката кога беше времето за запирање. Мораат да сфатат дека ништо нема да биде како порано. Спортот не е само фудбалот и фудбалот не е само Серија А. Основниот спорт ќе добие план од 400 милиони евра. Тие пари ќе ги дадеме на аматерските здруженија, оние за кои сме сигурни дека ќе бидат придвижувачи на преродбата. Големите клубови живеат во облаци и над своите можности. Најголем проблем се милионските плати. Тие мораат да сфатат дека после оваа криза ништо нема да биде како претхосно“, изјави Спадафора.