Големиот Жулио Цезар ја избра најдобрата одбрана во неговата кариера (ВИДЕО)

Жулио Цезар во годината која пред два дена заврши стави крај на неговата успешна кариера.

Цезар беше фантастичен на голот на Интер во историската сезона во која „нероаѕурите“ стигнаа до триплетата. Сега во интервју за страната на неговиот поранешен клуб ги издвои неговите најдобри три одбрани.

„Одбраната со која го спречив Меси на „Ноу Камп“ да постигне погодок беше најдобра во мојата кариера. Го сметам тоа за така затоа што кога ја направив парадата топката веќе беше зад мене. На второто место ќе ја сместам мојата интервенција против Томас Милер во финалето. Одбраната против Аквилано во Серија А за мене е на третата позиција“, изјави Цезар.