Големината на Икер повторно на дело: Касиљас испрати емотивна порака до поранешниот конкурент кој „исчезна“!

Големиот Икер Касиљас повторно го воодушеви светот и ја покажа својата големина.

Имено, Касиљас е „виновникот“ што Виктор Валдес беше само втор голман во редовите на шпанската репрезентација во најголемите успеси.

Нема никакви дилеми, Виктор Валдес е одличен голман, но Икер Касиљас во времето кога Шпанија беше најсилна репрезентација во светот беше аполутно неприкосновен на својата позиција.

Валдес сега без никакви најави за пензија, после летото кое го помина без ангажман едноставно исчезна. На 1 јануари тој на својот профил објави фотографија под која напиша: „Ви благодарам на се“.

Веднаш потоа ги избриша фотографиите на својот Инстаграм и Твитер профил. Единствено објаснување за неговото исчезнува е изјавата која ја даде пред три години.

„Кога еден ден ќе заврши се, ќе исчезнам за да уживам со своите деца кои ќе се обидам да научам на животот. Кога ќе исчезнам, тешко ќе може некој да ме пронајде“, изјави Валдес пред три години.

Неколку дена подоцна Касиљас одлучи преку Твитер да испрати порака до Валдес, кој веројатно и нема да ја види оваа порака.

„Не е потребно да ја гледаме твојата колекција на трофеи за да знаеме колку голем голман беше. Виктор, среќно во својата нова етапа од животот“, порача Касиљас.

No hace falta ver tu palmares para saber lo grande que has sido. Suerte en tu nueva etapa Víctor!? https://t.co/94xGIuuprs

— Iker Casillas (@IkerCasillas) January 4, 2018