Ги „фрли“ во „СЕНКА“ Меси и Роналдо, но е скромен: Важни се победите, не моите голови

Ѕвездата на Јувентус за која многу се зборува на стартот од сезоната, Паоло Дибала, беше скромен после новите два погодоци во градското дерби и победата на неговиот тим од 4:0.

Дибала оваа сезона веќе постигна 10 погодоци на шест натпревари и со самото тоа тој зад себе веќе ги остави Кристиано Роналдо, Лионел Меси, Карим Бензема, Нејмар и останатите европски ѕвезди, единствен во овој момент кој има повеќе постигнати голови од Аргентинецот е Колумбиецот, Радамел Фалкао, но тој одигра и еден натпревар повеќе и беше стрелец на 11 погодоци за Монако.

„Мојот тим игра одлично, посебно во нападот, во добра форма сум, се надевам дека ќе успеам да ја задржам. Се чуствувам фантастично, но за мене многу поважно е да освојуваме титули, отколку јас да постигнувам погодоци. Наша цел оваа сезона се сите трофеити во сите натпреварувања“, изјави Аргентинецот кој потоа зборуваше и за својот соиграч од Јувентус и репрезентацијата, Гонзало Игуаин.

„Кога си напаѓач, а не постигнуваш голови, јасно е дека поминуваш низ лош период. Но Гонзало е фудбалер од светска класа потребен му е само еден погодок и ситуацијата ќе се промени“, заврши ѕвездата на Јувентус.