Гигс со совети за Руни да остане во Манчестер Јунајтед

Легандарниот Рајан Гигс, во моментов е помошник во управата на Манчестер Јунајтед, а тој вели дека од Вејн Руни зависи тоа дали ќе остане во клубот.

И покрај тоа што е капитен и најдоар стрелец во историјата на Јунајтед, иднината на Руни во клубот е под знак прашалник бидејќи не беше стандарден во тимот минатата сезона.

Во првиот состав беше само 15 натпревари во Премиер лигата и постигна пет гола, па се појавија шпекулации дека ќе се врати во Евертон или ќе си замине во Кина.

„Вејн е докажан стрелец, дајте му шанса и тој ќе постигне гол. Работата е во тоа дали тој може да се справи со тоа што не е прв избор и уште е прашањето дали може да развие игра на начинот кој јас морав во тимот со тие години, така да игра 25-30 натпревари и ќе придонесе. Доколку Вејн може, не гледам зошто не би останал“, изјави Гигс.

Руни, кој во октомври полни 32 години, веќе изјави дека има многу понуди, а Јунајтед од другата страна е на добар пат да го доведе Алваро Мората од Реал Мадрид.