Гвардиола: Трофеите не се мерило, Биелса е подобар тренер од мене

Пеп Гвардиола пред утрешниот натпревар помеѓу Сити и Јунајтед го опиша Марсело Биелса како подобар тренер од него.

Претходно Гвардиола изјави дека негова најголема инспирација бил Јохан Кројф, но не криеше и дека многу го цени Марсело Биелса кој исто така е еден од неговите идоли. Шпанскиот стратег се запозна со Биелса во Аргентина пред да ја започне тренерската кариера во Барселона.

„Тој е човекот на кој најмногу му се воодушевувам во фудбалот – и како тренер и како личност. Тој е најпосебниот тренер гледајќи како ги води своите тимови. Марсело е уникатен. Никој не може да го имитира, тоа е невозможно. Не го гледам често, но времето поминато со него секогаш е задоволство“.

„Вредноста на тренерот не се брои во трофеи и наградите кои ги освоил. Моите тимови освоиле повеќе од неговите, но во смисла на играта и други работи, вклучувајќи го тука и водењето тренинзи тој е подобар од мене, јас сум далеку зад него. За Премиер лигата е одлично што тој е тука“, изјави Гвардиола.

Натпреварот помеѓу Лидс и Сити се игра утре од 18:30 часот, а Биелс потврди дека нашиот Езгјан Алиоски ќе биде стартер во овој натпревар (тука).