Гвардиола откри каква желба има и кои се неговите фаворити на Мундијалот

Tренерот на Манчестер Сити, Пеп Гвардиола го прокоментира ждребот за Светското првенство кој пред неколку дена се одржа во Кремљ.

„Кандидатите за освојување на Светското првенство се скоро секогаш исти, а тоа се Шпанија, Германија и Бразил. На овие три селекции би ги додал уште Аргентина и Англија бидејќи тоа се држави во кои имам многу пријатели и навистина ги почитувам“

Гвардиола откри дека би сакал да води и некоја од репрезентациите на Светското првенство.

„Да, има многу работи кои би сакал да ги направам, дефинитивно сакам еден ден да водам репрезентација на еден Мундијал“, изјави Гвардиола.