Гвардиола не доаѓа во Јуве, но затоа ќе купува од Јувентус: Кансело на чекор од „Етихад“

Манчестер Сити и официјално ги негираше денешните шпекулации дека Пеп Гвардиола ова лето ќе седне на кормилото на италијанскиот шампион Јувентус.

Денес се појавија информации дека Јувентус и Гвардиола договориле соработка, но набрзо стигна силен демант од Манчестер Сити, кој потврди дека каталонскиот стартег ќе биде на „Етихад“ и следната сезона.

Италијанските медиуми тврдат дека првото засилување за следната сезона Гвардиола може да го донесе од Јувентус, а станува збор за десниот бек Жоао Кансело.

24-годишниот Португалец минатото лето пристигна во Јувентус и на почетокот играше одлично, но потоа падна во втор план кај тренерот Алегри.

Наводно и самиот побарал да ја промени средината, а Јувентус е спремен да го пушти за сума од 60 милиони евра.

„Рекорд“ пренесува дека „граѓаните“ се спремни да ја платат таа сума и наводно веќе постигнале договор со Кансело, па трансферот е само прашање на време.

Record: «Il #ManchesterCity a un passo da #Cancelo per 60 milioni» ? https://t.co/NvDkNqYKjV

— Tuttosport (@tuttosport) May 23, 2019