Гвардиола: Играчите на Динамо не сакаа да играат

Манчестер Сити запиша победа и во второто коло од групната фаза во ЛШ.

После убедливата победа над Шахтјор, тимот на Сити синоќа на Етихад го победи Динамо Загреб кој правеше отпор скоро час време. Потоа со головите на Стерлинг и Фоден, Граѓаните стигнаа до очекуваната победа.

Поради новата победа Пеп Гвардиола беше ,нормално, задоволен, но од играта на гостинскиот тим, не.

„Многу добро се бранеа еден на еден, беа многу агресивни. Десет играчи им беа во шеснаесетникот и не сакаа да играат.“ – изјави Пеп за играта на Динамо и додаде:

„Динамо своите шанси ги гледаше од прекините, но ние бевме трпеливи. На крајот имавме доволно шанси и стигнавме до победата.“

Пеп истакна дека Фоден ја оправдал довербата.

„Одигра врвен натпревар, направи голем чекор напред. Има неверојатна завршница, среќен сум поради него и сигурно заслужува повеќе минути. Верувам дека и во иднина ќе ни биде од голема помош.“ – додаде Гвардиола.