Гвардиола заминува, Сити му бара замена

Пеп Гвардиола му соопштил на раководството на Манчестер Сити дека ќе замине на крајот на оваа сезона после девет години поминати на „Етихад“.

„Граѓаните“ ќе се обидат да го убедат да остане, но веќе бараат тренер кој може да го замени.

Британските медиуми тврдат дека најголем фаворит за позицијата е португалскиот стручњак Рубен Аморим кој во моментов е тренер на Спортинг Лисабон. 

Аморим и минатото лето се поврзуваше со Ливерпул и Вест Хем, но на крајот остана во Лисабон.

Аморим целосно се вклопува во филозофијата и плановите на Сити со оглед на тоа што има само 39 години и може да претставува долгорочно решение за актуелниот шампион на Англија.