Гвардиола верен на „граѓаните“, наскоро потпис на нов договор

Пеп Гвардиола е многу блиску да потпише нов договор со Манчестер Сити, пренесуваат медиумите на Островот.

„Телеграф“, пишува дека двете страни постигнале договор и наскоро треба да ја официјализираат новата соработка.

По завршниот турнир во Лигата на шампионите и неуспехот на „граѓаните“, се шпекулираше дека Гвардиола уште оваа сезона ќе го предводи клубот.

Преговорите се оддолжија, па медиумите почнаа да шпекулираат дека Сити веќе стапил во контакт со Нагелсман, како алтернативно решение.

Гвардиола самиот потврдил дека наскоро ќе го продолжи договорот. Рекол дека поради густиот распоред немал време да седне и да разговара со клупските челници и затоа се оддолжи ставањето на потписот.

Информацијата дека Гвардиола ќе остане во Сити повторно ги разгоре шпекулациите за трансферот на Лионел Меси на „Етихад“.