Гатузо: Целосно залутавме, ова е премногу лошо

Тимот на Милан вчера им приреди непријатно изненадување на своите навивачи со поразот од Бетис на „Сан Сиро“ 2:1.

Стратегот на овој тим, Џенаро Гатузо после натпреварот не го криеше разочарувањето.

„Ние целосно залутавме. Ова не е игра, туку мачење. Изгубивме самодоверба. Овој тим не игра бистра глава, не може да го направи тоа што го сака бидејќи е напната. Имаме навистина проблеми и треба да седнам да зборувам со играчите. Поразот од Интер не беше катастрофа затоа што игравме добро се финишот, но ова сега беше премногу лошо“.

„Ја превземам одговорноста. Јасно ми е дека сум мета на критики, водам голем клуб и ова изгледа лошо. Не личиме на оној тим од пред неколку недели кога игравме добро, но сето тоа се проблеми од психолошка приорда“, изјави тренерот на Милан.

Италијанските медиуми пишуваат дека Гатузо ќе добие отказ доколку Милан за викендот не ја победи Сампдорија.