Сезоната во европскиот фудбал полека привршува, а вечерва фудбалерите на Аталанта и Баер Леверкузен ќе одлучуваат за првиот меѓународен трофеј од трите што ќе се доделат, а тоа е Лигата на Европа.
Стадионот „Авива“ во Даблин ќе биде домаќин на финалето на второто по ранг европско натпреварување, а на него ќе играат екипи кои зад себе имаат одлична сезона.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Баер Леверкузен во натпреварот влегува како нов германски шампион, а до титулата во Бундеслигата стигна на импересивен начин без пораз. Избраниците на Чаби Алонсо се без пораз и во останатите натпреварувања, па секако веруваат дека таа непобедливост може да потрае и по денешното финале.
Од друга страна Аталанта во Серија А избори пласман во Лигата на шампионите што секако за овој клуб е успех и големо достигнување, па можат да бидат задоволни. Во финалето не влегуваат како фаворити, меѓутоа сигурно ќе се обидат да изненадат.
Леверкузен сезонава нема пораз на 51 натпревар и има шанса да ја освои тројната круна (ги чека и финалето во германскиот куп).
Учество во игри на среќа е дозволено за лица со 18+ години. Играј одговорно!