„Газета“: Киеза го избрал новиот клуб – останува во Серија А?

Еден од најпреспективните италијански фудбалери, Федерико Киеза го избрал новиот клуб, пишува „Газета дело Спорт“.

Реномираниот италијански медиум објави дека Киеза ќе го почитува дадениот збор на Јувентус и заинтересиран е само за преминување во редовите на шампионот во Италија.

Киеза игра лошо оваа сезона, Монтела го пресели на клупата, не е физички спремен, а многумина сметаат дека е лут на клубот што не го пуштиле во Јувентус во текот на летото.

Синот на поранешниот репрезентативец на Италија и ѕвезда на Парма Енрико Киеза ја одби понудата од претседателот Роко Комисо да го продолжи договорот. Киеза јасно и порачал на Фиорентина дека сака да премине во Јувентус. Договорот на Киеза има важност до 2022 година и тие ќе бидат приморани да го продадат.

Според информациите Јувентус нема да понуди повеќе од 60-70 милиони евра.

Вкупно Киеза до сега одигра 126 натпревари, постигна 25 гола и запиша 19 асистенции.