Газдата на ПСЖ: Му се воодушевувам на Роналдо

Насер Ал-Келаифи (46) претседателот на францускиот шампион ПСЖ во интервју за „Франс Фудбал“ призна дека му се воодушевува на Кристиано Роналдо (35).

За Келаифи Роналдо е еден неверојатен пример за сите спортисти.

„Му се воодушевувам на неговата неверојатна желба. Тој од ден во ден сака да биде подобар и да напредува. Таквото размислување секогаш го доведува до неговите граници. Од година во година со својот карактер покажува посебна одлучност и има извонредна сила и карактер“, изјави Келаифи.

Роналдо во 2018 година од Реал Мадрид премина во Јувентус, а потоа во интервју за „Ел Мудно“ призна дека и ПСЖ бил една од опциите да ја продолжи кариерата. Наводно Французите биле заинтересирани за неговите услуги уште во 2016 година, но нивната понуда не поминала.