Вујовиќ за ситуацијата со Гурбиндо: Беше изненадување, го дочекавме со еуфорија

Во среда Вардар ќе игра против Мешков Брест во Лигата на шампионите, пред овој натпревар тренерот Веселин Вујовиќ зборуваше и за Едуардо Гурбиндо.

Гурбиндо во шпанските медиуми вчера зборуваше дека во Вардар не го дочекал проектот кој му бил претставен.

Денес за очекување беше Вујовиќ да даде свој коментар.

„Целата ситуација за нас беше изненадување. Од првиот ден го дочекавме со еуфорија, тој е класа играч и нормално дека ќе беше подобро да го имавме. Повеќе ќе ни значеше во одбраната отколку во нападот. Тука се Њокас и Моралес кој можат напред дадат повеќе. Како и да кого нема и без него се мора“, изјави Вујовиќ.