Во хотелот на италијанската репрезентација не е досадно, во главна улога Инсиње

Зад нас е групната фаза на ЕП каде учествуваше и нашата селекција.

Со сигурност не очекуваат големи возбудувања во осминафиналето кое ни донесува неколку интересни натпревари.

Меѓу репрезентациите кои до сега најмногу покажаа е Италија. Аѕурите во групата А завршија со три победи во исто толку одиграни натпревари со гол разлика од 7:0.

Италијанците заедно со Англија се единствените селекции кои не примија погодок во групната фаза, а прилика за продолжување на серијата ќе имаат во осминафиналните натпревари.

Дека во репрезентацијата на Италија владее фантастична атмосфера сведочи и едно видео кое е објавено на совијалните мрежи. На него се гледа како Инсиње на подот го чека Имобиле да излезе од собата и да го исплаши.

Напаѓачот на Лацио наседна на овој трик и судејќи според реакцијата прилично се исплаши кога го виде Инсиње.

Натпреварот помеѓу Италија и Австрија се игра утре со почеток од 21 часот на Вембли.

Gotcha 👻

🎥 @ciroimmobile pic.twitter.com/dgh4gZ5oXQ

— 433 (@433) June 25, 2021