Влаховиќ може да го напушти Јувентус

Душан Влаховиќ беше еден од најбараните напаѓачи во Европа и во јануари се пресели во Јувентус за 80 милиони евра.

Меѓутоа, српскиот напаѓач не се снаоѓа баш најдобро во Јувентус и се вклопи во „сивилото“ на тимот. Наводно играта на тимот воопшто не му одговара и е спремен да ја промени средината.

Италијанските медиуми лансираа вистинска „бомба“ и тврдат дека силен интерес за Влаховиќ покажуваат ПСЖ и Манчестер Јунајтед и сакаат да го донесат во јануари.

„Црвените ѓаволи“ спремиле понуда од 50 милиони евра плус Марсијал, кој уште во летото беше на радарот на Јувентус.

Од друга страна ПСЖ е спремен да понуди 85 милиони евра, па останува да се види каква ќе биде одлуката на Јувенттус.