Видео: 41 поен на Харден не беа доволни, шампионот до „брејк“ – Томпсон и Дурант одлични

Кошаркарите на Голден Стејт стигнаа до брејк и поведоа со 1:0 во финалната серија на Западот против Хјустон 106:119.

Најзаслужни за победата на бранителот на трофејот беа Кевин Дурант и Клеј Томпсон. Дурант во текот на целиот натпревар прикажуваше одлична игра, а на крајот натпреварот го заврши со 37 поени, додека Томпсон во пресудните моменти погодуваше шутеви за три поени. Одличниот шутер на крајот запиша 28 поени.

Покрај овие двајца Стеф Кари уфрли 18 поени, запиша шест скокови и додаде осум асистенции, а Дрејмод Грин пет поени, девет скокови и една асистанција.

На Хјустон не му помогна ниту одличниот настап на Џејмс Харден кој натпреварот го заврши со 41 поен, четири скока и седум асистенции. Зад Харден следуваше Крис Пол со 23 поени и 11 скокови, па Ерик Гордон со 15 поени и пет скокови и Клинт Капел со 12 поени и шест украдени топки.

Следниот натпревар на програмата е помеѓу среда и четврток со почеток од три часот по наше време.