ВИДЕО: Спетакл во „Стејплс Центарот“, Леброн погоди тројка во последните секунди, па стана трагичар

Изминатата ноќ во НБА лигата беа одиграни девет натпревари, а најголеми возбудувања видовме на натпреварот помеѓу Лос Анџелес Лејкерс и Сан Антонио Спарс во кој Спарси славеа после продолженија со 143:142.

Лејкерси катастрофално го отворија натпреварот и во првата четвртина имаа дури 18 поени негатива (19:37), а на првата пауза се замина со +14 За Спарси (26:40). Успеа домаќинот да се врати во живот во втората четвртина, па на полувремето резултатот беше 60:65 во корист на гостите.

Џејмс и друштвото до предност стигнаа кон крајот на третата четвртина (91:90), но гостите во последната четвртина влегуваат со предност од три поение (96:99).

Во последната четвртина двата тима се менуваа со водството, Сан Антанио на минута пред крајот имаше +8. Меѓутоа потоа погодуваа МекГи и Кузма за три, за на крајот Леброн на три секунди да погоди тројка за изедначување и продолженија 128:128.

Лејкерси во продолжението констатно беа во водство се до финишот кога токму Леброн се претвори во трагичар.

При резултат 142:141 за Лејкерси на 13 секунди до крајот Леброн – промаши две слободни фрлања! Потоа Милис погодува за водство на Сан Антонио. Џејмс тогаш ја зема топката во свои раце и се обиде да го одлучи последниот напад, но го промаши обидот за два поени.

На овој натпревар посебно блескаа четворица кошаркари. Во победничкиот тим тоа беа Олдриџ со 37 и Дерозан со 32 поени, додека во Лејкерси до истите бројки стигнаа Кузма (37) и Џејмс (32). Леброн беше блиску и до трипл-дабл бидејќи имаше учинок од 14 асистенции и осум скокови, додавајќи една украдена топка и една блокада.

Лејкерси после овој натпревар имаат скор од 0:3 и се на дното на Зпадната конференција заедно со Оклахома, додека Сан Антонио е на седмата позиција со скор од 2:1.

Останати резулати:

Бостон – Орландо 90:93Торонто – Шарлот 127:106

Милвоки – Њу Јорк Никси 124:113

Минесота – Индијана 101:91

Далас – Чикаго 115:109

Јута – Мемфис 84:92

Портланд – Вашингтон 124-125 (после продолженија)

Голден Стејт – Феникс 123:103