Видео: Одбраната и натпреварот на кои Џанлуиџи Буфон секогаш ќе се сеќава

Според најавите, легендарниот Џанлуиџи Буфон на крајот од сезоната ќе ја заврши својата блескава кариера.

Буфон долги години е еден од најважните играчи на „старата дама“, а од наредната многу веројатно како прв голман на Јувентус ќе го гледаме Војчех Шчесни, кој оваа сезона е резерва на Буфон.

Легендарниот Италијанец во својата кариера имаше безброј сепктакуларни одбрани, но откри на кои секогаш ќе се сеќава.

„Се сеќавам на одбраната на ударот со глава на Инзаги во финалето од Лигата на шампионите, се сеќавам и на онаа против Њукасл. Кога ќе се пензионирам сигурно ќе ги изгледам сите натпревари на кои сум бранел“, изјави Буфон.

Буфон потоа го откри и омилениот натпревар, но и овој пат не можеше да се одлучи за еден.

„Без дилеми тоа е натпреварот против Германија на Светското првенство во 2006 година. Исто така со задоволство се сеќавам на натпреварот против Реал Мадрид во 2003 година, но и на дебито против Милан“, истакна Буфон.

Популарниот Џиџи во професионалната кариера бранеше на повеќе од 1000 натпревари, покрај Јувентус играше и за Парма.