Видео: Новиот напаѓач на Милан пристигна на прегледи во Милано!

Италијанскиот гигант Милан е исклучително активен на трансфер пазарот и сака да создаде тим кој конечно ќе избори пласман во Лигата на шампиони.

Најново засилување на „росонерите“ ќе биде напаѓачот на Лил и португалски репрезентативец Рафаел Леао.

20-годишниот Леао имаше одлична сезона во дресот на Лил и го привлече вниманието на многу европски гиганти, а „росонерите“ за неговиот потпис ќе платат вкупно 35 милиони евра.

Во трансферот ќе биде вклучен и младиот играч на „росонерите“ Тиаго Џијало, кој е проценет на 5 милиони евра, а останатите 30 ќе бидат во кеш.

Младиот напаѓач денес пристигна во Милано каде треба да ги мине леркарските прегледи, а потоа ќе стави потпис на 5-годишен договор.

#Milan, #Leao è arrivato in #Italia. I dettagli ?https://t.co/ZWlG3wpcHb pic.twitter.com/o3rAa0GKax

— calciomercato.com (@cmdotcom) July 30, 2019