ВИДЕО Неверојатниот Кејн ја сруши Италија и ја однесе Англија на ЕП

Англија на „Вембли“ ја победи Италија со 3:1 и со тоа стана деветта репрезентација што се пласира на ЕП во Германија во 2024.

Европскиот првак сега мора да ја победи Македонија и да не загуби од Украина. Хари Кејн постигна два гола, Маркус Рашфорд додаде уште еден, додека Џанлука Скамака погоди за Италијанците.

Италијанците поведоа, но следеше брз пресврт на силната Англија, а третиот гол на Кејн е навистина вистинска мала мајсторија на напаѓачот на Баерн.

Англија е првопласирана на табелата со 16 бодови од шест натпревари, а Украина е втора со 13 од седум мечеви.

Италија е третопласирана со 10 бодови од шест натпр евари, следуваат Македонија која има седум бодови од шест натпревари, а Малта е последна без бодови од седум натпревари.

Следниот месец на 17 ноември Англија ќе игра со Малта, а Италија ќе ја пречека Македонија во Рим. Три дена подоцна Македонија ќе се соочи со Англија во Скопје, а Украина во Леверкузен ќе игра против Италија.