Видео: Надал игра во чудесна форма, Момфис буквално му се поклони на Шпанецот

Фуриозно попладнево Рафаел Надал го совлада Гаел Момфис во два сета.

Надал во овој момент е број еден на АТП листата, а перфектната серија на подлогата на која најмногу му „лежи“ ја продолжи денес во Мадрид.

Момфис колку-толку имаше сила да му се спротистави на Надал само во првиот сет кој на крајот го загуби со 6:3. Во вториот немаше апсолутно никакви дилеми кога во прашање е победникот, Шпанецот го доби со 6:1.

Колку Надал е доминантен на земјена подлога покажува и ситуацијата од денешниот меч кога Момфис после два одиграни поени, буквално одлучи да му се поклони на Шпанецот.

Да потсетиме, нешто порано денес Новак Ѓоковиќ беше елиминиран од Кајл Едмунд.