Видео: Голот на Циндриќ избран за најубав во Лигата на шампиони!

Централниот бек на Вардар, Лука Циндриќ го постигна најубавиот погодок во Лигата на шампионите за сезоната 2016/2017.

Голот на Хрватот во полуфиналето од ЛШ против Барселона со кој го однесе Вардар во финалето од Ф4 е избран за најубав во жестока конкуренција.

Во изборот на ЕХФ за ТОП 30 погодоци, од македонските ракометари се најде голот на Дејан Манасков против Киелце, а од вардаровите играчи се погодокот на Иван Чупиќ во финалето против ПСЖ, како и гол на Тимур Дибиров.