ВИДЕО: Вчера во Серија А го видовме најглупавото исклучување во сезоната

Eкипата на СПАЛ вчера успеа да направи големо изненадување и на гостински терен да ја совлада Рома со 0:2.

На оваа средба видовме и едно навистина смешно исклучување, а го заработи голманот на гостите Вања Милинковиќ. Во моментите кога СПАЛ имаше водство против Рома, Милинковиќ се обидуваше да „украде“ некоја секунда иако триесетина секунди порано заработи една опомена.

Српскиот голман одолговлекуваше со враќањето на топката во игра, а втората топка која се појави на теренот ја испрати на трибините. На ваквиот негов потег реагираше и „Олимпико“, а главниот судија на натпреварот му покажа втор жолт картон и го испрати во соблекувалната.

Навистина чуден потег од еден искусен голман каков што е Вања Милинковиќ.

Espulso per aver gettato il secondo pallone Ahahah ridicoli #RomaSpal pic.twitter.com/12RK3DtrJg

— Stefano Orabona (@OrraStefano) October 20, 2018